उम्मेदवारी मनोनयन गर्न रुकुम पूर्व पुगेका नेपाली कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ काठमाडौँ फर्किएका छन्। अस्ति माघ ५ गते उम्मेदवारी दर्ता गर्न उनी रुकुम पश्चिम हुँदै सडकमार्गबाट रुकुम पूर्व पुगेका थिए।
हिजो मंगलबार उम्मेदवारी दर्ता गरेपछि उनले सहिद परिवार, घाइते परिवारका सदस्यसँग भेटवार्ता गरेका थिए। आज बुधबार बिहान पनि केही मतदाता भेटेपछि प्रचण्ड दिउँसो काठमाडौँ फर्किएको उनको सचिवालयलले जनाएको छ।
दाङ, सिन्धुली, उदयपुर, सर्लाही र कालिकोट लगायत जिल्लामा आफ्नै उम्मेदवाविरुद्ध बागी परेपछि त्यसलाई टुंगो लगाउन प्रचण्ड निर्वाचन क्षेत्रबाट छिट्टै काठमाडौँ फर्किएको सचिवालयको भनाइ छ।
उनी फर्किएपछि पनि रुकुम पूर्वमा चुनावी अभियान जारी रहेको नेकपाका नेता गणेशमान पुनले बताए। २०७० सालपछि यसपटक नेकपाले देशभरका १६४ निर्वाचन क्षेत्रमा उम्मेदवार उठाएको छ। प्रचण्ड चुनावी प्रचारमा संभव भएसम्म सबै निर्वाचन क्षेत्रमा पुग्ने बुझिएको छ ।
✏️ टिप्पणी लेख्नुहोस्