सञ्चार तथा सूचना प्रविधिमन्त्री एवं सरकारका प्रवक्ता पृथ्वीसुब्बा गुरुङले विद्युत काटिएका उद्योगमा लाइन जोड्न मन्त्रिपरिषद्ले गरेको र्णय कार्यान्वयन नगरे क्षम्य नहुने चेतावनी दिएका छन् ।
आज सोमबार मन्त्रिपरिषद् बैठकका निर्णय सार्वजनिक गर्ने क्रममा मन्त्री गुरुङलाई सञ्चारकर्मीले बिजुली आपूर्ति बन्द गरिएका उद्योगको लाइन जोड्ने सरकारको निर्णय स्वीकार नगर्ने प्राधिकरणका कर्मचारीको अडानबारे जिज्ञासा राखेका थिए । प्रतिउत्तर दिँदै उनले सरकारले गरेका निर्णयमा कर्मचारीले आफ्ना मत राख्न पाउने तर निर्णय कार्यान्वयन गर्दिन भन्ने कुरा क्षम्य नहुने बताए ।
मन्त्री गुरुङले उद्योगहरूमा विद्युत् आपूर्ति बन्द गर्दा औद्योगिक क्षेत्रलाई असर परी रोजगारी, राजस्वमा प्रभाव परेको भन्दै सरकारको निर्णय सही भएकबो जिकिर गरेका थिए । गुरुङले सरकारले डेडिकेटेड फिडर र ट्रंकलाइनको विद्युत् महसुल बिलअनुसार १५ दिनभित्र बुझाउन निर्देशन दिएको सुनाए । ”सरकारको निर्णय कार्यान्वयन गर्दिनँ भनेर कसैले भन्छ भने त्यो क्षम्य हुँदैन”, मन्त्री गुरुङको भनाइ छ ।