नेपाल कम्युनिस्ट पार्टी (माओवादी केन्द्र) का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ले नख्खु कारागार पुगेर राष्ट्रिय स्वतन्त्र पार्टी (रास्वपा) का सभापति रवि लामिछानेसँग भेट गरेका छन् ।
उनले लामिछानेसँग भेटगरी कारागारको बसाइका बारेमा जानकारी लिनुका साथै असहजतासहजताका विषयमासमेत चासो राखेका प्रचण्डका सचिवालय सदस्य दिपक भण्डारीले जानकारी दिएका छन् ।
सहकारी ठगी अभियोगमा थुनामा रहेका पूर्वउपप्रधान तथा गृहमन्त्री लामिछानेले भैरहवा कारागारकोभन्दा नख्खुमा धेरै राम्रो सेवासुविधा भएको भन्दै कारागार प्रशासनको प्रशंसा गरेका प्रचण्डका सचिवालय सदस्य भण्डारीले जानकारी दिएका छन् ।