रसुवा नाका हुँदै चीनतर्फ तस्करी गर्न लागिएको २५ करोड स्वेदशी तथा विदेशी मुद्रासहित पक्राउ परेका कुसाङ लामालाई प्रहरीले आज सार्वजनिक गरेको छ । प्रहरीले सार्वजनिक गरेका व्यक्ति सिन्धुपाल्चोकको भोटेकोशी गाउँपालिका वडा नम्बर १ बस्ने ४३ वर्षका फुच्चे भन्ने कुसाङ लामा हुन्।
रसुवा नाका हुँदै ट्रकमा नेरु, युरो र अमेरिकन डलरसहित मुद्रा लगिँदै गरेको सूचनाका आधारमा काठमाडौँ उपत्यका अपराध अनुसन्धान कार्यालयको टोलीले उनलाई गएराति पक्राउ परेको थियो ।
पक्राउ परेको विदेशी मुद्रा नेपालीमा कन्भर्ट गर्दा २५ करोड १ लाख ६० हजार ३३८ रुपैयाँ हुन आउने प्रहरीले जनाएको छ ।
लामा यस अघि सुन तस्करीमा पाँच वर्ष जेल सजाय भुक्तान गरी छुटेका व्यक्ति भएको प्रहरीले बताएको छ ।